سوا ربينا

هو وهي

إتنينهم ربيوا ســــــــوا

وعالشيطنه بيناتن إتربى الهوا

وهب الهوا عا حبهن بليلة شتا

اللــــــــــه ينجينا من هبوب الهوا

عم حلفك بالدمع

بليالي الحنين

بالغيم

بالتله

بزهر الياسمين

سيف المحبه إنت

وملجا الطيبيـــــن

ردهن لبعضن

متل ما ربيوا ســـوا

يــــا رب

انا عايـــــــــزه أمــــــــــوت

أرجوك

غضب

حسه اني هتجنن

عماله ادب في الأرض زي العيل الي خده منه امه

احساس فظيع بالغضب

مش قادره اتخيلك معاها

مش قادره اتصور ان كل الي كان من حقي انا دلوقتي مبقاش

بقى من حقها هي

بقيت كلك ملكها

بعد ما كنت ملكي

مش قدره اتصور اني مبقاش ليا فيك

بعد ما كنت كلك كلك ليا انا لوحدي

مش قدره اتخيل حياتي من غيرك

انت مش عارف الفراغ ممكن يخنق قد ايه

المكان الي انت سبته في حياتي

ولا الف حد ممكن يملوه

لا انا مش عيزه يحصل كده

مش عيزه

انا مضايقه اوي

عيزه حد يقولي ان الي بيحصل ده كدب

مش حقيقي

عيزه حد يقولي اني بحلم

حلم بايخ شويه بس هصحى منه

حد يقولي انك لسه ملكي

ماهو انت مينفعش تسيبني

عشان انت معلمتنيش اعيش ازاي من غيرك

ولا اقولك

انا اصلا مش عايزه اعيش من غيرك

اوعدك

لو كان الي احنا فيه ده حقيقه

انا رافضاها

ومش هعيشها

الموت اهون بكتير

دمعه

هو انت ما صدقــت !

اه قلتلك ماتكلمنيش

اه قلتلك تبعد عني

واني مش عيزه اشوفك

ايوه قلتلك اني بكرهك

بس كنت مستني مني ايه؟

بعد ما قتلتني

لا يدوم إغترابي

حبيبتي زنبقــــــــة صغــــــيره

أما انا فعوســـــــج حزيـــن

طويــلا انتظرتـــــها طـــــــويلا

جلســـــــت بين اللـــــيل والسنـــــين

وعندما ادركني المســـــــاء

حبيبتي جاءت من الضيــــــــاء

ما بيننا منازل الشتاء

يا اسفا للعمر كيف ضاع

أنا راح مني كمان حاجة كبيرة
اكبر من اني اجبلها سيرة
قلبي بيزغزغ روحه بروحة

علشان يمسح منه التكشيرة

ادعوله ينساها بقى ويضحك

خريف

لا تيجي اليوم

ولا تيجي بكره

مش لنا الزينه

وبيارق المدينه

نحنا لنا ورق الخريف

الي عم بيدهب مراكب الرصيف

غير انت وانا يا حبيبي ما لنـــا

وحشتني

وحشتــــــــــــني أوي

ووحشتني نفسي الي بلاقيها معاك

عذاب

حاسه إني مكســــــــوره أوي

عرفه إن القرار صعب

أصعب من أصعب حاجه ممكن حتى إني اتصورها

بس انت مسبتليش اختيار تاني

كدبك عليا كسرني

قسوتك عليا كسرتني

بعدك عني كسرني

كنت دايما مستقويه بإنك جنبي

بس دلوقتي انا لوحدي

خايفه من كل حاجه

لا في ضهر يسندني

ولا حضن يطبطب عليا

هقدر أبعد قد ايه؟

مش عارفه..

يومين

شهرين

سنه

ههرب لحد فين؟

طيب لو هربت منك

ههرب من نفسي إزاي

ههرب من زكرياتنا ازاي

ههرب من كل حاجه بشوفك فيها ازاي

ما انا بشوفك في كل حاجه

ههرب من كل شارع مشينا فيه؟

ما احنا مشينا سوا في كل الشوارع

هننسى؟

هننسى ازاي

واحنا معجونين ببعض؟

والسنين الي فاتت علينا واحنا سوا

كأننا كنا في الدنيا

بس في دنيا غير الدنيا

انت عارف ان في حاجات كتير اول مره اخد بالي منها

اول مره اخد بالي ان الدنيا حر

اول مره اخد بالي ان الدنيا فيها روايح تانيه غير ريحة الورد

اول مره اخد بالي ان في ناس ماشيه في الشارع مكشره

انا معاك كنت بس بشوف الحاجات الحلوه

بس اتضح ان مش كل الحاجات حلوه

ومش كل البشر فرحانين

ازاي روح واحده هترجع تتقسم تاني على جسمين

ايه العذاب ده

يا رب رحمتك

وقت فراق

كنت عارفه إن دايما في الآخر ..في آخر
كنت عارفه إن هيجي وقت فراق
كنت متخيله دايما إن نهايتنا هتكون نهايه أسطوريه
نهايه من النوع الي هيكون نقطة تحول في حياتنا
نهايه تعلم فينا لآخر العمر
بس عمري ما تصورت إن نهايتنا هتكون بالسخــــافه دي

شيكـــاجو

نزلت في الدستور على حلقات بس من اول حلقه قررت اني مش هقراها لاني مش هعذب نفسي كل اسبوع باني استنى الحلقه الي بعدها في الاسبوع الي بعده

ولما نزلت قررت اني اشتريها

بس برضه قررت اني مش هقراها..

مش هقراها غير لما يكون عندي وقت اني اقراها على بعضها

عشان كده استغليت الفرصه وأنا في اسكندريه الويك ايند الي فات وخدتها معايا

رواية شيكاجو للمؤلف علاء الاسواني طبعا الي اتشهر جدا بعد عمارة يعقوبيان

من زمان جدا جدا مشدتنيش روايه بالمنظر ده

الكاتب بدأ الروايه بمقدمه هي عباره عن لمحه تاريخيه عن تاريخ مدينة شيكاجو الي بتدور فيها احداث الروايه والجزء ده كان فعلا من امتع اجزاء الروايه.

الروايه غنيه جدا جدا بشخصياتها واحداثها والي من كترها بتتوه في بعض الاحيان وده خلاني استصعب اوي فكرة انها تتحول لفيلم سينمائي زي ما حصل في يعقوبيان لان الروايه فعلا مليانه بتفاصيل واحداث واشخاص مينفعش تختزل في فيلم سينمائي يمكن يبقوا يفكروا يعملوها مسلسل في رمضان ولا حاجه

الكاتب استند في بناءه للقصه حسب اعتقادي يعني على مذكرات احد ابطال الروايه " ناجي عبد الصمد" وورد فيها النص الاصلي لمذكرات ناجي ده بحسب الكاتب,الي اعتقد انه بني باقي الأحداث والشخصيات الي ابتكرها على المذكرات دي.

الروايه برضه فيها قدر كبير جدا من الجرأه على المستوين السياسي والأجتماعي وان كان السياسي اخطر لانه تعرض وبشكل كبير جدا لشخص رئيس الجمهوريه والمخابرات والداخليه

عجبني اوي الكلمه الي وردت على لسان مصوراتي الرئاسه الجديد والي طبعا معندوش الخبره الكافيه لما كان بيصور الريس مع المبعوثين في مبنى السفاره في شيكاجو" انت بره الكادر يا ريس"يعني قد يكون للجمله بعد اخر.

الروايه في مجملها من اجمل الاعمال الادبيه الي قريتها في الفتره الاخيره لانها فعلا قدرت تاخدني لعالم جديد وتقحمني فيه وتقحمه فيا بمنتهى الصدق والسلاسه والبساطه في التعبير مع الحفاظ على جودة المضمون وعمق الفكره.

وكل شئ بينسرق مني

العمر من الأيام

والضي من نني

وكل شئ حوليا يندهـلي

وجوايا بندهلك

يا ترى بتسمعني؟

أنا بعشق البحر

أنا بحب البحر جدا

بحسه راجل عجوز اوي وحكيم اوي ...بحب اتكلم معاه

بجد بحس انه بيسمعني

برتاح اوي

بحس اني برمي كل حاجه فيه

بفضفضله

بشتكيله

بحكيله

واجمل ما بيكون البحر وقت الغروب

لما بيتقابل هو وحبيبته الشمس

بيحضنها

بتبوسه

وبعدين تدوب فيه

....

انت عارف ان فيك كتير اوي منه

رقتهوحنيته وجماله لما بيكون هادي

ثورته وجنونه في الليالي الي مفيهاش قمر

غموضه

افتكرت اغنية نجاة

اول مره احس ان الأغنيه اتغنت ليك انت

انا بعشق البحر

زيك يا حبيبي حنون

وساعات زيك مجنون

..

وحشتني أوي

في اللحظه دي نفسي انا وانت نبقى زي الشمس والبحر

تحضني

تحتويني

تدوب فيا وادوب فيك

..

..

بس انت بعيد اوي عني

عمر الاماكن والمسافات ما بعدت بينا

بس انا حسه انك بعيد

بعيد باحساسك

مش لاقياك

ومش فهماك

مش لاقيه مبرر لبعدك

دي زوبعه في فنجان وهتعدي

ولا دي ريح هتقلب حياتنا

..

ارجوك ارجع

ارجع عشان محتاجالك

عشان بحبك

Bakalim nafsi

Ya3ni bgad bgad makhno2a mennak awi

2ad ma kont ba7es enak a2rab wa7ed fe eldonia lya 2ad ma ana delwa2ty 7assa enak ab3ad mn kawkab ploto 3anni..

Bgad 7asa eni msh 3ayza akalemak bgad 7asa eni meday2a mennak..Meday2a

3aref ya3ni meday2a?!

tab3an msh 3aref, la2ennak 3omrak ma fakkart ana baday2 emta wala leeh

asl ana wasalt l point kedah msh 3arfa leh lama baboss 3aleek la2yak mokhtalef

msh la2yak 7elw awi ya3ni beldaraga eli ana kont msada2aha

eh kol elkedb dah?

enta leh kol 7ayatak kedb keda? ezay 2ader t3eesh keda aslan

msh 3arfa leh elmaradi msh 3arfa arga3 zai ma kont..msh la2ya feek 7aga arga3laha aslan..msh la2ya feek 7aga mn eli kont ba7ebaha...asl kol 7aga kont ba7ebaha tel3et fake ( kedb ya3ni)

zai ma akoon kont fe 3'aybooba wala eh!

7ata eli enta 3amlo delw2ty dah ana mota2akeda eno kedb aw ymken tamseel

mantash 7assas awi keda 3ashan tetgere7 mn kelmah

3awez tewsal l eh?

eh? me7tag space b3eed 3anni?

m7tag wa2t 3ashan t3eesh fe qessa tanya?

bas ya tara qessa gdeeda wala 2adeemah.huh?

eza kont etgara7t awi keda mn kelmah w msh ma2soodah, shuf enta 3amalt eh ba2a fe nas kteer w msh bas bkalam ..la2 b af3al..w ma2soodah

bas a2ollak 7aga, msh far2ah..bgad msh far2ah

aslaha khelset mn zaman mesh haned7ak 3ala ba3d ba2a...

bas ana bgad Meday2a........men nafsi...